Foto. No, pittura a’ ogghiu

Cari litturi, ‘sta vota è ‘ncridibili !
U’ suttascrittu, prima di l’aerimobili,
avia fattu u’ liceu artisticu
e i beddi arti tipu anticu.

E chistu pi’ diri ca un “pocu” nni capisciu,
nun è cosa di strapazzu, di strisciu,
e allura taliati ad ogghiu ‘sta pittura,
ca pari ‘na bedda foto, addirittura.

Nun è ‘a prima vota ca parramu d’un artista
ca si dedica, palora difficili, a iperrealismu,
un geniri ca un lassa ‘ndifferenti mancu a vista,
un pitturi ca rinesci a tuccari vetti arti ‘i realismu.

E’ u’ casu di Yigal Ozeri,
vivi a New York ma è israelianu.
a taliari i so’ disigni, comu un romanzieri,
parinu fatti d’un fotografu bravu, du’ mistieri anzianu.

‘A tennica di Ozeri pari semprici:
prima ritocca i fotu a piacimentu.
poi ‘i riproduci oliu su tila, comu codici,
cu’ dittagli ca lassa stupitu e cuntentu.

Si rimani sbalurditi a guardari,
picciotti, criritimi, nun è semprici,
è un veru geniu di ludari,
‘a so’ arti è comu ascurtari soni duci. adulatrici !