Tacchi alti

‘Sta storia veni fora da ‘nu studiu francisi:
pari ca i masculiddi sunnu cchiù purtati
aiutari ‘na fimminedda si chista porta misi,
scarpi cu tacchi veru arti muntati.

Nicholas Gueguen, professuri da Britagna,
ha fattu ‘na scuperta: i tacchi arti d’una fimmina
u’ cumpurtamentu di masculi accumpagna,
e si capisci picchì, a ‘sti tacchi cci teni e cci camina.

In una prova, ‘na signurina diciannovenni,
ha circatu di firmari i passanti p’una ‘ntirvista,
‘ndussannu tacchi durici senza affanni:
e l’ottantadui di l’omini accittava a vista…

Quannu, ‘a stissa criatura, aveva scarpi ‘i ginnastica,
accittava u’ quaranta di masculi firmati;
cci ripruvava c’un guantu ‘nterra: scarpa arta artistica,
93 masculi ‘u pigghiavanu, chidda bassa, tutti ‘ntamati.

Si po’ parrari, allura, d‘un masculiddu gintili e ganzu ?
Litturi beddi, secunnu mia è sulu strunzu !!!