Pi’ riappacificari du’ cuntindenti,
i jiurici ‘i provanu propriu tutti,
famusu è chiddu ‘i Salumuni, troppu evirenti,
tagghiari a mità u’ figgiu p’accuntintari “beddi e brutti” …
Nne’ Filippini, inveci, si ‘mmintaru ‘n’autra cosa:
u’ villaggiu Maguindanau era da tempu ‘ntirissatu,
tra du’ famigghi, d’una sciarra tabbaccusa,
ca divintava, cu’ passari di jorna, fattu ‘nsinsatu.
Pinsati ca situazioni era tantu attizzata e terribili,
ca u’ mircatu cittadinu avia chiusu i battenti,
picchì l’odiu tra chisti era ‘nsostenibili,
e ‘un si putia travagghiari, mancu stannu attenti.
A ‘stu puntu, i fimmini du villaggiu,
persa, oramai, quasi tutta ‘a pacienza,
d’accordu, minacciaru ‘u sciopiru d’amureggiu,
chiudennu i porti du sessu, già in avvirtenza.
A ‘st’iniziativa, i masculiddi guerrafundari,
da principiu cci dettiru pocu cuntu,
ma ddoppu ‘na misata, ccu’ nne’ manu i calendari,
‘a paci ricuminciò comu biniritta ‘i l’ogghiu santu.
U scioperu du sessu, anchi ‘sta vota effettuatu,
ha fattu, ma l’idea nun è nova, u’ miraculu:
nna’ cummedia du 411 a. C. Lisistrata, e pari adeguatu,
i fimmini greche, ai mariti, ficiru comu dissi l’oraculu (?):
o fati finiri ‘a guerra e appizzati l’armi o’ chiovu,
o scurdativi u’ sesso e sucativi l’ovu !
CHI DICI ?
“Alleanza Verdi e Sinistra in accordo con Roberto Salis ha deciso di candidare sua figlia…
PALERMO (ITALPRESS) – Autorizzato dal presidente della Regione l’avvio delle procedure per l’attivazione del reparto…
Dopo tanti anni di lavoro, andare in pensione è una gioia che tutti non vedono…
Adesso puoi non pagare più le bollette della luce, in questo modo finalmente potrai dire…
Una delle banche più importanti del panorama economico italiano dovrà pagare un ingente rimborso ai…
Quasi 16 milioni di euro per affrontare la crisi idrica e per sostenere il settore…