‘Na simana prima, un si ragiuna cchiù:
“u viri, mi fa’ scurdari ‘i cosi d’accattari e semu a lunedì”,
ma, gioia mia, pensaci un jornu prima, “tuttarpiù”,
‘a cena, ‘a spaghettata, chiamala comu voi, è venerdì !
E’ ‘sta litania dura armenu ‘na simana,
pari c’avissi a priparar pi’ ‘na cintina di pirsuni:
“un ti nn’adduni, u’ frigu è vacanti e ‘a casa pari ‘na tana,
si’ sempri u’ solitu, l’amu a lassar diuni ?”.
Accussì scinnemmu, di primura, pi’ fari ‘a spisa e cuntornu:
“signura, ‘a ricotta cci cummeni jovirì’ accattalla,
è cchiù frisca e ‘a teni un sulu jornu,
e i cosi ruci cci ‘i fazzu di matina, stassi tranquilla”.
Cu’ ‘sta nisciuta, senza sensu, accattammo quasi nenti:
“biniritta muggheri, chi ti riceva, hai troppu prescia,
‘sta cursa o’ mercatinu fu ‘na cosa senza sensu, accirenti,
pari, ‘sta spaghettata, l’avissi a fari a Brescia” !
All’indomani, però, ‘sta mischina si scatina,
‘a vogghia d’accattari diventa mustruosa:
fasoli, cucuzzella, quarumi e lattuchina,
‘un finiu cchiù: carduna, piscipagnu e pistuluna, tuttu a iosa …
Cuntenta e surisfatta, rintra s’arricugghiu,
tri cristiani acchianavanu u’ manciari jastimiannu,
‘sti cosi ‘un trasevanu mancu in du’ frigu, retti ‘na manu iu,
c’era materiali pi’ far festa puru a capurannu!
Però, u’ jornu ra manciata, fjiurati, tuttu accattatu avia,
ci vosiru tri fimmini p’amministrar ‘sta “frinisia”,
ma finiu ‘u stissu a sciniggiata, comu ‘na brutta farsa,
e vuliti sapiri picchi’: UN S’AVIA SCURDATA ‘A PASTA !
Possibilità di lavoro in una delle istituzioni di maggiore spicco della nostra Italia. Non lasciarti…
Non è tanto la sconfitta ma il percorso. Non è tanto il gioco incomprensibile o…
Ennesima sconfitta rimediata dal Palermo arrivata dall'ennesima prestazione inesistente. La squadra di Mignani ha perso…
Questo è il modo giusto per tutti coloro che vogliono guadagnare più soldi. Lavorare di…
Da adesso in poi dovrai pagare questo importo. Ecco quanto costa inviare la dichiarazione dei…
Se devi ristrutturare la tua casa, adesso le spese te le paga lo Stato. Ecco…