Miii, chi gaffi

Ma ‘u fici apposta o fu un veru incirenti ?
Certu che è difficili capiri ‘a virità,
di ‘sti tempi i fimmini su ‘mancipati e ardenti,
e tuttu è pussibili pi’ far celibrità.

Dunqui, ‘na ragazza ‘ngrisi una gran gaffe ha fattu,
ca sicuramenti pi’ sempri su ricurderà,
e ora vi cuntu tuttu l’antifattu,
ca l’interessata a nuddu cunfiderà.

Ami Jones, di 21 anni, vuleva vinniri un abitinu
e pi’ pubblicari l’annunciu,
fotografa u’ vistitu mittennulu nna’ l’armadinu,
appizzalu nna’ gruccia p’un farlu divintari sconciu.

Ma quannu fici a fotu, ‘un s’addunò ch’era quasi nura
e ca un rifressu d’idda si vireva nno’ specchiu:
era vistuta sulamenti d’un reggiseno vicinu i mura
e tuttu u’ restu completamente scuperchiu.

Sulu quannu era su eBay, senza rimediu,
s’è resa cuntu di chiddu c’avia cumminatu,
’mbarazzata, canciò a foto, ma ‘u stissu cci fu “l’assediu”,
divintannu subitu ‘na celibrità pi’ l’accadutu.

Ma ‘sta nuturietà l’ha ‘iutata a vinniri u’ vistitu,
‘nfatti l’asta finiu ca superò i 150 stirlini,
e quarcunu ha cummintatu ch’era tuttu stabilitu,
‘na cummedia, ‘nsumma, ch’ha lassatu tanti “brecciolini”

Sarà veru tuttu chistu ?
Intantu taliati bonu ‘stu beddu “bardacchinu” !