‘Sta nutizia è assurda tarmenti,
ca sulu i cinisi ha putianu ‘mmintari:
un “duppiu water” ca leva a coppie i “turmenti”
e, ricinu, c’aiuta a migghiurari ‘a ‘ntisa familiari …
Avissi a serbiri, ‘stu stranu sirbiziu igienicu,
a ziti, mariti e muggheri, nzemmula ri stari,
assittati no’ “ritrè” pi’ svutari l’intestinu nicu,
comu si fussi ‘na cosa bedda e d’effettu pi’ amari .
‘Sta vriogna a du’ posti, “TwoDaloo” si chiama,
e sirbissi a trasfurmari u’ bagnu ra casa
in un “cunfissiunali” domesticu ca, anchi in pijama,
putiri affruntari i casi da coppia, cu’ ciavuru ‘i cirasa !
‘St’attrezzu fa anchi risparmiari l’acqua da natura,
picchì, quannu i bisogni hannu fattu,
si tira u’ sciaccuni ‘na vota sula,
p’una pirfetta pulizia ognunu du’ so “piattu” …
Ora, a parti ‘a ‘ntimità misa ‘i latu,
‘sta coppia, sicuramenti, o è spurcacciuna o malata;
un divanettu “contrarìe”, i francisi, già l’aviano ‘mmintatu,
ma sirbia pu’ salottu e no pa’ cacca arrimmiscata …
E sintiti puru chistu: ogni water è dutatu
di iPod e di staziuni murtimiriali,
custa mila dollari e un cè mircatu:
quarcunu rici servi sulu pa’ genti maiali !
E pi’ ‘sta purcaria, servi pubblicizzari ?
Quannu mai, pi’ fari picciuli su sempri tutti uguali !!!
Cinque operai sono rimasti uccisi per intossicazione durante alcune manutenzioni fognarie. Un altro operaio è…
Le Forze dell'Ordine cercano nuovo personale: tutto quello che devi sapere. Oggi come oggi, non…
ROMA (ITALPRESS) – La decisione di firmare i referendum della Cgil per l’abolizione del Jobs…
ROMA (ITALPRESS) – “L’Europa non può accettare che Putin arrivi fino a Kiev”. Così il…
ROMA (ITALPRESS) – “Non dobbiamo spaventare l’opinione pubblica: non siamo ad un passo dalla guerra,…
TRAPANI (ITALPRESS) – “Sono contento di essere rientrato in questo territorio. Ringrazio il capo della…